अमळनेर : एसआयआर मतदार नोंदणी महामेळ्याला अमळनेर शहरात नागरिकांचा उत्स्फूर्त प्रतिसाद लाभला. अमळनेर उपविभागीय अधिकारी मयूर भंगाळे यांनी संत सखाराम महाराज नगर तसेच साने गुरुजी ज्येष्ठ नागरिक संघ येथे भेट देऊन सुरू असलेल्या उपक्रमाची पाहणी केली. त्यांनी या उपक्रमाबाबत समाधान व्यक्त करत आयोजकांच्या कार्याचे कौतुक केले.
युवा कल्याण प्रतिष्ठानच्या वतीने प्रा. अशोक पवार आणि मुन्ना पवार यांनी मतदारांच्या घरोघरी जाऊन जनजागृती पत्रकांचे वितरण केले. तसेच नागरिकांना मतदार नोंदणी व आवश्यक फॉर्म एकाच ठिकाणी भरता यावेत, यासाठी विशेष सुविधा उपलब्ध करून देण्यात आली.
या उपक्रमामुळे नागरिकांची गैरसोय टळली असून मोठ्या संख्येने मतदारांनी नोंदणी प्रक्रियेत सहभाग घेतला. उपस्थित नागरिकांनी या उपक्रमाचे स्वागत करत आयोजकांचे कौतुक केले.
